القرار النهائى

تقريبا كده صعب عليا أقفل المدونة قولت هسيبها علشان خاطر الريدر اللى موجود وعليه مدوناتكم الجميلة واللى ممكن أتابعها فى أى وقت
وده اللى كان السبب الرئيسى فى عمل المدونة من الأساس
المهم أنا قررت إنى ألغى التعليقات وأشيل الشات بوكس
وأعلن بس فى المدونة زى ما كنت بعمل زمان عن الموضوعات اللى تعجبنى ولكن للأسف هيكون الإعلان كل فين وفين لأن متابعاتة هتكون بطيئة برضه
ولكن لو أى مدون شايف موضوع جديد وحلو فى أى مدونة و إنه يستحق الإعلان
ممكن يلفت نظرى بس فى تعليق على المدونة التانية أو يكتبلى على الميل أو على الفايس بوك
وكل سنة وإنتم طيبين

مصير المدونة

نظرا للأسباب المذكورة هناك
مش عارف أعمل فى المدونة دى ومفيش خيارات كتير قدامى

1- أقفل المدونة دى وأرتاح منها نهائى
2- إما أكتب فيها كل فيها كل فين وفين ومفيش طبعا مسابقات ولا يحزنون
3-وده الإحتمال الأصعب وهو إن ممكن أى صديق عزيز منكم يساعدنى ويشرف على المدونة تماما ويعمل فيها اللى هو عايزه من تطوير أو تجديد يكتبلى بس وله الأجر والثواب ويكون عمل فيا معروف كبير

لأنه بجد صعب أوى أوى أعرف أتابع المدونة دى زى ما كنت بعمل فيها الأول

منتظر رأيكم فى تحديد مصير المدونة
وإن شاء الله مصيرها النهائى هيتحدد على العيد كده إن شاء الله على ما أكون فضيت شوية إن شاء الله

المدونة متوقفة عن العمل لفترة مؤقتة
لحين إشعار أخر

بداية جديدة

فى البداية
حابب أشكر كل الناس اللى شاركت معانا بإيجابية وصوتت معانا
نوارة , وأيومى ,وديالا , غربتى , وأسماء وأحلام فى وجدانى , حياتى نغم , دعاء , أديب درويش , د/ على خميس , أبو العز
وكل المشكاركات الجديدة معانا
كاتب مصرى , من أجل التمكين , egyboy , A. samir
أبو العريف , وجه جديد د. أحمد عثمان ,dr/Kafy

بشكركم كتبير
وأتمنى دوام تواصلكم

بالنسبة ليا
أنا مشغول جدا الفترة اللى جاية ومش هكون متواجد نهائى
بعتذر مقدما


نبدأفى الترشيحات

المركز الأول
وحى القلم
لمصعب صلاح
قصة رائعة ونهاية أروع
أسلوب جميل وطريقة حكى رائعة


المركز الثانى

لماذا يتفوق علينا اليهود
عند الباش مهندس رأفت
وبحر الإبداع
تساؤل فى محله جدا
ورصد لحقائق لا تقبل النقاش
نسأل الله أن يصلح الحال


المركز الثالث
عند سلمى محمد
كلمات أسأل الله أن تكون فى ميزان حسناتى
موضوع رائع جدا
عن الحب الحقيقى فعلا
وهل وصلنا لهذه الدرجة من الحب ولا لسه شوية علينا
وفرصة
ندعى لأخو سلمى علشان هيا قالت انه عمل حادثة
نرجو منكم الدعاء



المركز الرابع
سلسلة أين الرجال
عند الباش مهندس حسام
القلم السكندرى
سلسلة رائعة
هتعجبكم كتير أوى
مدعمة بالأيات والأحاديث والمواقف
لكثير من المغلطات الموجودة عندنا على أرض الواقع



المركز الخامس
الأفكار السيئة
عند موناليزا
تساؤل واقعى جدا عن سبب إنتشار الأفكار السيئة
طرح منطفى وسرد رائع للموضوع


فى الأخر حابب أشكر كل الناس اللى رشحت موضوعى الأخير
بس أنا كنت عايز أتكلم عن مدونات جديدة المرة دى
وفعلا كنت عايز أتكلم عن مدونات أكتر
بس مرات أخرى إن شاء الله

إن شاء الله
المدونة هتستمر حتى وانا مش موجود
أختى هتقوم باللازم إن شاء الله

منتظر ترشيحاتكم للأسبوع القادم إن شاء الله
وأهلا بزياراتكم دايما

كفاية تهانى

أولا
حابب أشكر كل الناس اللى بتشجع
موضوع الترشيحات دى
وسعيد جدا بتفاعلكم
والله نفسى أشكركم واحد واحد

المهم
كفاية تهانى
وعايزين نبدأ فى ترشيحات الأسبوع ده
قبل يوم الجمعة إن شاء الله

وشكرا على تفاعلكم

لوحة الشرف (ختام الشهر)

أنا حاولت إنى أكون حيادى بقدر الإمكان
يعنى المواضيع اللى نجحت معانا
إنتوا اللى رشحتوها مش أنا
والترتيب كان بالدرجات وفقا لتصويتكم زى ما وضحت قبل كده
تقريبا النتيجة كانت منطقية وفقا لنتايج الأسابيع اللى قبل كده
فالمراكز الثلاثة الأولى مثلا فازوا معانا فى أكثر من أسبوع
لذا يصبح منطقى جدا فى إنهم يفوزوا فى نهائى الشهر
شارك بإيجابية معانا فى السباق الختامى حوالى 12 مدون
نتمنى فى إنهم يزيدوا المرات اللى جاية إن شاء الله

المركز الأول
ومضات دكتور ياسر
ب24 نقطة

المركز الثانى
غربتى
ب 16نقطة


والمركز الثالث
MIMI
ب 15 نقطة


المركز الرابع
أ/تامر
والدنيا ريشة وقلم
ب10 نقاط


والمركز الخامس
أيوشة وأحسايها وتخاريفها
ب9 نقاط


وألف مبروك للفائزين
وعقبال الأسابيع المقبلة إن شاء الله
ولو كان الموضوع بأيدى كان زمانى وزعت عليهم جوايز
وأظن إنه يكفيهم ترشيح الناس ليهم
والمكسب المعنوى ده


ملاحظات هامة

أنا لاحظت إن فى ناس بتزعل منى لأنهم مش بيلاقوا مدوناتهم ضمن المدونات الفائزة
مع إحساسهم إن ما يكتبونه أفضل كثيرا من الفائزين
والكلام ده أنا متأكد منه
علشان كده انا عايز أقول شوية حاجات بس
1- انا بعلن عن الفائزين وفقا للترشيحات اللى بتوصلنى يعنى مش من دماغى
2- انا لو بعلن بمزاجى كنت خليت مدونتى كل أسبوع كسبانة أو على الأقل كسبانة فى نهائى الشهر
3- انا عايز الموضوع يكون أبسط من كده
4-أكيد الأذواق مختلفة وطريقة التقييم بتختلف بس أنا فى النهاية بعنمد على أرائكم
5-مش عايز حد يزعل وإلا هلغى الفكرة ومش هعمل نظام المسابقات والترشيحات دى مرة تانية


أخر شىء

عايز أنزل موضع يوم الجمعة
عايز أشوف ترشيحاتكم قبل يوم الحمعة علشان نكمل زى ما كنا ماشيين قبل كده
عايز كمان أشوف تأكيد من الناس اللى مكسبتش معانا قبل كده على إنها مش زعلانة وإن الموضوع أبسط من كده عندهم

قبل الإعلان

الناس اللى نسيت تصوت معانا
منتظر ترشيحاتكم قبل إعلان النتيجة بكرة إن شاء الله

التصويت المرة دى على غير المعتاد
حيادى جدا
وهيكون بالنقط زى ما وضحت الموضوع اللى فات

وانا كمان مصوت زيكم بالظبط

وترشيحاتى موجودة فى تعليقات الموضوع اللى فات

شارك معانا بإيجابية 8 مدونين بس

وباقى الزوار شجعوا الموضوع من بعيد

منتظر مشاركتكم الإيجابية ورأيكم قبل إعلان النتيجة بكرة إن شاء الله

سلام